Дел од членовите на Спортско Планинарскиот Клуб „Магаро“ - Охрид се обучени во Македонската Асоцијација на Интернационални Водичи во Планина  и  се имаат стекнато со лиценци за професионални водичи во планина, кои ги имаат добиено од Македонската Асоцијација на Интернационални Водичи во Планина, која асоцијација на ден: 7. Ноември 2008 година стана членка во меѓународната унија на професионални водачи во планина (UIMLA - Union of international mountain leaders associations).Македонија е единствената членка од земјите на Балканот која е членка  во UIMLA. UIMLA е од огромно значење за нашите членови бидејќи истите можат да водат клиенти од надвор на планините низ Македонија,  но исто така можат да водат клиенти и  надвор од границите на нашата држава бидејки лиценцата со која се имаат стекнато е интернационално призната. .Сите идни членови на Спортско Планинарскиот клуб „Магаро“ - Охрид можат да се стекнат со оваа лиценца доколку посетуваат дел од семинарите и обуките кои ги врши Македонската Асоцијација на Интернационални Водичи во Планина.