Спортско Планинарскиот Клуб „Магаро“ - Охрид постои од далечната 1962 год. но тогаш под името „Галичица“

 

 

По неколку годишна пауза на планинарските активности на ПД „Галичица“, како и големиот број на општествените промени, во 2001 год. се појави потреба за формирање на нов субјект, кој во суштина претставува продолжување на повеќедецениската традиција, но за жал под ново име.
Со други зборови, на 14 Април 2001 год. во Основен суд Охрид беше издадено решение за основање на СПД „Магаро“ - Охрид, чиј прв претседател е Наум Јамандиев. Во 2002 год. СПД „Магаро“ и официјално на свечена седница прослави 40 години од планинарската традиција, која во Охрид ја започна тогашното прво ПД „Галичица“, основано во далечната 1962 год. .
Од неодамна со промените во законот за спорт Друштвото се преименува во Клуб - СПК „Магаро“ - Охрид и е еден од најподготвените клубови во Македонија, технички но уште повеќе и кадровски.Тој е еден од ретките клубови кои сериозно им приоѓа на планинарската едукација. Членовите на СПК „Магаро“- Охрид редовно ги освежуваат своите знаења и вештини  на најразлични табори, семинари организирани од страна на Ц.С.О - Центар за Стручно Оспособување и М.А.А - Македонската Алпинистичка Асовијација и истите сериозно му приоѓаат на спортскиот тренинг, со што постојано ја одржуваат виталноста на активностите.